မြန်မာနိုင်ငံတွင် လူအများ အသုံးပြုကြသော လူမှုကွန်ယက်စာမျက်နှာများ၌ သတင်းမှား၊ သတင်းတု အလွန်ပြန့်ပွားလွယ်သည့် ပြဿနာကို လျော့ကျနိုင်စေရန် ယခု အပ်ပလီကေးရှင်းကို ရေးသားထုတ်လုပ်ခဲ့ခြင်း ဖြစ်ပါသည်။ ရည်ရွယ်ချက်မှာ အများပြည်သူအတွက် မှန်ကန်စိတ်ချရသော သတင်းများကို ယုံကြည်ရသော ပြည်သူ့ သတင်းသမားများထံမှ အချိန်နှင့် တပြေးညီ တိုက်ရိုက်တင်ပြပေးနိုင်သော မြန်မာ ဒစ်ဂျစ်တယ် မီဒီယာတစ်ခု ပေါ်ထွက်လာရန် ဖြစ်ပါသည်။
ကျွန်ုပ်တို့ အနေဖြင့် အောက်ပါအချက်များကို ယုံကြည်ပါသည်။
၁။ လူအများး ဖတ်ရှုမျှဝေကြမည့် သတင်းကို ရေးသားဖော်ပြသူသည် သတင်း အမှန်အမှား၊ အတုအစစ် ခွဲခြားနိုင်သည့် အရည်အချင်း ရှိရမည်။
၂။ မှားယွင်းမှုများရှိပါက အရည်အချင်းရှိသည့် လက်တွဲဖော် သတင်းပေးပြည်သူများအချင်းချင်း စိစစ် ပြင်ဆင်ပေးရပါမည်။
၃။ အလွယ်တကူ ရယူနိုင်သည့် မှန်ကန်သော သတင်းအချက်အလက်၊ ဗဟုသုတများသည် မိမိတို့အားလုံး တိုးတက်ရန်အတွက် အရေးကြီးသည့် ပညာရေး အထောက်အကူ ဖြစ်ပါသည်။
ဤယုံကြည်ချက်များကို အခြေခံ၍ ၂၁နွေဦး အပ်ပလီကေးရှင်းကို ယခုထက် ပိုမိုကောင်းမွန် ပြည့်စုံသော စနစ်တစ်ခု ဖြစ်အောင် ရေရှည်ဆောင်ရွက်သွားပါမည်။ သတင်းပေးပို့သော ပြည်သူများနှင့် ရယူသုံးစွဲသူများအားလုံးကို ကျေးဇူးအထူးတင်ပါသည်။ လိုအပ်ချက်များ၊ အကြံပြုချက်များ ရှိပါက spring.content.21@gmail.com သို့ ဆက်သွယ်ပေးပို့နိုင်ပါသည်။