کلاڤيه الدارجۃ

هذا الوصف ل کلاڤيه الدارجۃ

اليوم شركۃ د-ميديا الباريسيۃ فرحانۃ اللي کتحط من بين يديکوم أول کلاڤيه کامل و فابور ب حروف اللغۃ الدارجۃ.
ساهل
بزاف ف التنزال والخدمۃ ، و ما عليکوم غير اتفعلوه ف قسم " اللغات و الادخال " .
طورنا بزاف د الخصوصيات ف هاد  الکلاڤيه من بينها :
1) ترتيب الحروف.
أول مرۃ ف تاريخ الکتابۃ و المطابع غادي ايکون نظام د الکتابۃ کيعتمد ف ترتيب الحروف على الشکل المورفولچي د الحرف، ما شي على ترتيب الحروف التاريخي الموروت من زمان بعيد،
متلا : کل الحروف اللي کتتشابه مع بعضها کتجي ف سنسلۃ تراتبيۃ معقولۃ. ج / ح / خ ...
2) حروف الدارجۃ.
لغتنا الأم  هي وحدۃ من بنات اللغۃ العربيۃ الحجازيۃ، إلا أن راه عندها خصوصيات صواتيۃ فريدۃ اللي ما کايناتش ف العربيۃ الفصحى اللي کتتقرا ف المدراسات سوا د المغرب أو أي بلاد تانيۃ،
ب حال حرف:  ݣ ( ݣملۃ ، ݣارو ) ، ڤ ( ڤيس ، چونيڤ ) ، ژ (آژرو ) ، پ ( سپانيا )
چ ( مچمر، چورچ
)
.
3) أرقام عربيۃ.
أغلب الکلاڤيات العربيۃ کيکون معها غير الارقام العربو-هنديۃ هاد الأرقام اللي ما کنستعملوهاش عندنا ف المملکۃ، لوحۃ د-ميديا غاديۃ اتخلي ليکم الحق ايکون عندکم کلاڤيه ب اللغۃ اللي کبرتو معها و باغين حتى هي ايکون عندها الحق اتولي لغۃ التيکلونوچيا.
1234#١٢٣٤
4) العملۃ.
الدرهم خلقنا ليه رمز خاص بيه ف حال رمز أي عملۃ عالميۃ، (ܒ.ܡ) هو رمز ل العملۃ الوطنيۃ. و اللي مازال ما کيعرف يحسب غير ب الريال ما عليه غير يبرک على علامۃ (﷼) !
5) الصعوبۃ.
غير تعرف.ي
و تفهم.ي ترتيب الحروف غادي يسهل عليک اتعامل.ي مع هاد اللوحۃ ب الزربۃ لحقاش راها لوحۃ عقلانيۃ و لوچيک، تقدر اتجيکوم صعيبۃ ف الاول لکن دکاء الانسان المغربي و قدرتو باش يتأقلم کتخلينا واتقين فيه تقۃ الاعمى ف ݣوادو.
6) ملاحظات:
أي ملاحظۃ أو تعليق غادين انشوفوهم ب ݣاع الاحترام و التکبيرۃ بيکوم.